Një mesfushori klasi i marrë nga Inter, i ditëlindjes 2004, në ekipin kombëtar të të rinjve… Simone Bonavita është lojtari i parë që bashkohet me ekipin e Francesco Totti, ish futbollisti legjendar tani në rolin e një agjenti. Nënshkrimi u bë zyrtar dhe tifozët italianë shpresojnë se legjenda e Romës do të ketë të njëjtin sukses siç kishte dhe në fushë me verdhekuqtë.
Totti, ditët e fundit, kishte thënë në blogun WyScout: “Unë jam tërësisht i përqendruar në skauting, dua të zbuloj talentet e reja, nëse është e nevojshme do të udhëtoj në Evropë dhe në mbarë botën”. Simone Bonavita është klienti i parë i skuadrës së Totti.
Simone Bonavita që së fundmi është vendosur nën kontratë edhe nga Nike, lindi në Caserta por u rrit në Lombardi, dhe është një mesfushor premtues që Roma provoi pa sukses tia rrëmbente Interit në tratativa. Luan me kokën lart, godet penallti me përgjegjësi dhe duket më i madh se mosha 16 vjeçare. Ai bën pjesë në ekipet e kombëtares, por me Totti dhe njohjet e tij, dyert e karrierës shumohen shpejt.
