Seanca gjyqësore e Apelit e GJKKO për ish-ministrin e Brendshëm, Saimir Tahiri është duke u zhvilluar për rreth 3 orë. Në këtë seancë Tahiri ka paraqitur një mbrojtje prej 138 faqesh.
Kjo seancë pritet të vazhdojë edhe më tej pasi do të flasin avokati Maksim Haxhia, si dhe ish-drejtori i Policisë Vlorë, Jaeld Çela që është i akuzuar bashkë me ish-Ministrin e Brendshëm.
Prokuroria vijon t’i metë njëjtin qëndrim dhe kërkon të njëjtin dënim për Saimir Tahirin, ndërsa duhet theksuar se ky proces është duke u monitoruar nga përfaqësues amerikanë nga ambasada e SHBA në Tiranë.
Gjyqi për Tahirin ishte planifikuar të mbahej më 28 Maj, pasi ish-ministri nuk ishte njoftuar në mënyrën e duhur, ndërsa rikujtojmë që ishte shtyrë edhe më herët për shkak të situatës me COVID-19.
Saimir Tahiri u dënua vitin e kaluar me 5 vite burg të konvertuara me gjykim të shkurtuar në 3.4 vite shërbim prove dhe dënimi u dha për shpërdorim detyre.
Ndërsa Prokuroria e Krimeve të Rënda 12 vite burg për 3 vepra penale “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.
Në përfundim të dyja palët si Tahiri dhe Prokuroria nuk pranuan dënimin me 3.4 vite shërbim prove dhe e apeluan zyrtarisht në Gjykatën e Posaçme të Apelit.
Pasi prokuroria akuzon Tahirin se në kohën kur ishte ministër i Brendshëm bashkë me ish-drejtorin e Policisë Vlorë, Jaeld Çela bashkëpunuan me Moisi Habilajn apo vëllezërit e tij që bashkë korrespondojnë të jenë kushërinj.ka.ta/Fjala.al/
