Deputetja e opozitës, Rudina Hajdari ka folur pas përfundimit të Komisioni Parlamentar për Reformën Zgjedhore. Ajo është shprehur se beteja e opozitës për ndryshim të këtij sistemi, për lista të hapura, do të vijojë në Kuvend.
“Komisioni i Posaçëm për Reformën Zgjedhore u mblodh sot në orën 5. Trajtuam çështjen e marrëveshjes. Ne nuk jemi mbledhur si institucion apo pjesë e parlamentit. duhet të ishte trajtuar dhe mbledhur hap pas hapi. Ajo që është e rëndësishme për ne të gjithë si Opozitë Parlamentare duam ndryshimin e sistemit zgjedhor dhe listat e hapura. Beteja jonë tashmë është në Parlament, sepse ne kemi votat dhe mbështetjen. Ne kemi për detyrë që t’u realizojmë qytetarëve dëshirën për të votuar personin dhe jo ngjyrat politike. Kjo do të sillte një përmirësim të demokracisë në këtë vend.”, u shpreh Rudina Hajdari.
Opozita parlamentare ka institucionalizuar sot kërkesat e saj për ndryshimin e sistemit zgjedhor, pasi ka depozituar në Kuvend një draft ku kërkon ndryshime kushtetuese.
Ditën e hënë do të paraqiten amendimet e plotë të kodit zgjedhor.
Re.Gu/fjala.al
