Urdhri Françeskan në Shqiëpri ka një histori të hershme. Sipas studimeve, Shën Françesku ka qenë në Shqipëri në vitin 1220, pra 800 vjet më parë dhe kjo është edhe zanafilla e këtij urdhri.
Ndërkohë që kisha më e vjetër e këtij riti daton në vitin 1240 në Lezhë. Por qendra e urdhrit Franceskan në Shqipëri ka qenë dhe mbetet Shkodra.
Gjimnazi “Liceum Illyicum” dhe revista historiko-letrare “Hylli i dritës” në këtë qytet kanë qenë monumente më simbolikë të kësaj kishe por edhe të vetëdijes dhe kulturës kombëtare shqiptare.
Ky urdhër ka nxjerrë disa personalitete të larta si At Gjergj Fishta, At Shtjefën Gjeçovi por edhe të tjerë. Fotoja që vjen dhe që botohet për herë të parë është shkrepur në vitin 1918 dhe është zbuluar në arkivat austriake nga studiuesit i apasionuar shkodran Pjetër Logoreci.
Aty shfaqet një prift në kuvendin françeskan në Shkodër që qep rrobat e tij dhe në krah ka një ndihmës. Nuk jepet emri i priftit por fotoja është vërtetë unikale për atë që përcjell./Bl.Ba/Fjala.al
