Mëngjesin e kësaj të shtune policia e Durrësit ka sekuestruar një pasuri me vlerë 2 milionë euro, e cila dyshohet të jetë përfituar nëpërmjet trafikimit të drogës dhe shfrytëzimit të prostitucionit. Policia bën me dije se materialet i kanë kaluar Prokurorisë pranë Gjykatës së Shkallës së Parë Durrës.
Njoftimi i policisë
Vijon puna për gjurmimin, evidentimin dhe sekuestrimin e aseteve që rrjedhin dhe janë përfituar nga veprimtaria kriminale.
Sekuestrohen pasuri me vlerë 2 milionë euro të dyshuara si të përfituar nga veprimtaria kriminale në fushën e trafikimit të drogës dhe shfrytëzimit të prostitucionit.
Specialistët për Hetimin e Krimit Ekonomik e Financiar në Drejtorinë Vendore të Policisë Durrës, në vijim të punës për gjurminin, evidentimin dhe sekuestrimin e aseteve të përfituar nga veprimtaria kriminale, referuan në Prokurorinë e Rrethit Gjyqësor Durrës, në vitin 2017 materialet në ngarkim të shtetasit P. T., për veprën penale “Pastrimi i produkteve të veprës penale ose veprimtarisë kriminale”.
Në vijim të veprimeve, pas hetimeve të kryera nga Specialistët për Hetimin e Krimit Ekonomik e Finanaciar në DVP Durrës u bë ekzekutimi i vendimit penal të Gjykatës së Shkallës së Parë Durrës, për vendosjen e masës së sigurimit pasuror, “Sekuestro të pasurive”, të shtetasit P. T., 51 vjeç, banues në Durrës, i dënuar për veprat penale “Trafikimi i drogave” dhe “Shfrytëzim Prostitucioni”.
Pasuritë e sekuestruara janë dy pallate dhe një bar hotel në lagjen Nr. 13 Durrës.Shuma e sekuestrimit kap vlerën e 2 000 000 euro sipas çmimit të tregut. Materialet shtesë i kaluan në Prokurorinë pranë Gjykatës së Shkallës së Parë Durrës.
Bo.Ba/fjala.al
