Prokuroria e Përgjithshme ka përfunduar verifikimet për kandidatët për drejtor të Byrosë Kombëtare të Hetimit.
Sipas hetimeve, ka rezultuar se katër kandidatët për këtë post janë të pastër.
Pas verifikimeve, Prokuroria e Përgjithshme i ka nisur të gjitha informacionet në Strukturën e Posaçme Anti-Korrupsion.
Gjithashtu SPAK do të bëjë dhe vetting-un e kandidatëve, që do të bëhet nga komisioni me dy prokurorë dhe një gjyqtare.
Kandidatë për Drejtor të BKH-së janë Aida Hajnaj, Artur Beu, Ervin Hodja dhe Idajet Faskaj./Bl.Ba/Fjala.al
