Disa vende të BE zyrtarisht nga sot kanë hapur kufijtë por disa me masa dhe kufizime. Gjermania i heq kufizimet e udhëtimit më 15 qershor me shtetet e BE dhe ato të Shengenit si Zvicra, Lichtenshtajni, Islanda, Norvegjia.
Po ashtu edhe Suedia me Luksemburgun që ishin dy vendet e vetme në BE që nuk i mbyllën kurrë kufijtë.
Çekia nga ana tjetër ka rihapur kufijtë por nuk lejon qytetarët nga Belgjika, Portugalia, Suedia dhe Britania e Madhe.
Greqia ka hapur kufijtë turistikë brenda për brenda BE, madje lejon edhe udhëtime nga Australia, Zelanda e Re apo Japonia dhe Koreja e Jugut. Ndërkohë më parë Italia i hapi kufijtë që më 3 qershor, Polonia më 13 qershor.
Spanja do të hapë më 21 qershor kufijtë për BE edhe pse turistët gjermanë po lejohen të vizitojë ishujt lindorë balerikë. Për Portugalinë Spanja do i hapë më me vonesë kufijtë, më 1 korrik.
Komisioni Europian u ka rekomanduar shteteve anëtare që nga 1 korriku, në varësi të zhvillimit të pandemisë, të heqë kufizimet e udhëtimit me shtete, situata epidemiologjike e të cilave i përgjigjet mesatares së BE dhe ku ka kapacitete të mjaftueshme për të trajtuar virusin.
Në fillim në këtë listë të heqjes së kufizimeve do të duhet të qëndrojnë shtete e Ballkanit Perëndimor, Shqipëria, Kosova, Serbia, Maqedonia e Veriut, Mali i Zi e Bosnja./Bl.Ba/Fjala.al