Komisioni i Pavarur i Kualifikimit ka njoftuar se shkarkohet nga detyra gjyqtari i Apelit të Vlorës, Petrit Aliajn.
Aliajn e shkarkuan pas një beteje të gjatë të Komisionit të Vetingut, ku gjyqtari paraqiti 4 raporte mjekësore sikur ishte sëmur. Ai nuk ishte as në seancë dëgjimore.
Por Vetingu zbuloi se gjyqtari gënjente me raportet. Duke filluar nga kjo e martë gjyqtari nuk ka akses ne gjykatë.Ai ka të drejtë t’i drejtohet Kolegjit të Posaçëm të Apelimit, i cili është organi fundor që vendos për lënien në fuqi ose rrëzimin e një vendimi të shkallës së parë të Vetingut.
KPK ka zbuluar edhe një pallat në emrin e babait të gjyqtarit. Komisioni ka arritur në konkluzionin se babai i gjyqtarit Petrit Aliaj nuk e justifikonte pallatin me burime të ligjshme të ardhurash.
Komisioni i Vetingut prezantoi si problematike pasuri të tjera të gjyqtarit Aliaj si një truall në Delvinë, mos justifikim të shumës rreth 70 mijë euro për ndërtimin e një ndërtese tre kate mbi tokë dhe një kat nën tokë, probleme me pasurinë e bashkëshortes dhe mos-justifikim të shpenzimeve për shkollimin e fëmijëve.
Petrit Aliaj është shkarkuar edhe në vitin 2004 nga Këshilli i Lartë i Drejtësisë, por Gjykata e Lartë e riktheu në detyrë dy vjet më vonë. Në vitin 2005 ai është paguar me 47 mijë dollarë nga vëllezërit Balili, si konsulent ligjor i tyre. Por, Komisioni i Vetingut nuk ia ka konsideruar të ligjshme këto para.
Në vitin 2015, ILDKPKI e kallëzoi gjyqtarin Aliaj për fshehje pasurie, ndërsa edhe KLD-ja refuzoi ta shkarkonte. Petrit Aliaj ka marrë pjesë edhe në procesin e heqjes së burgimit të përjetshëm Dritan Dajtit, ku ishte anëtar i trupit gjykues.
Bo.Ba/fjala.al
