Edhe “Ibracadabra” ndosh që mund të shënojë autogola edhe pse misioni i tij primar është të tundë rrjetat kundërshtare, e ta bëjë me klas dhe jo në mënyra të zakonshme. Por mesa duket futbollisti edhe kur shkel rregullat, e bën plot bujë.
Vizita e shkurtër në Stockholm e Zlatan Ibrahimovic për të ndjekur një ndeshje të Hammarby ku ai është aksioner, nuk ka kaluar pa u vënë re. Madje sulmuesi gjigant po shkakton polemika në vendin nordik. Ibrahimovic ka thyer rregullat e vendosura në kuadër të pandemisë COVID-19, duke hyrë në dhomat e zhveshjes për të përgëzuar futbollistët për suksesin ndaj Ostersund. Në bazë të protokollit të sigurisë së miratuar nga Suedia, në dhomat e zhveshjes mund të futen vetëm trajnerët dhe lojtarët.
“Ibracadabra” që është aksioner me 25% te skuadra e Stockholm, përgëzoi lojtarët me të cilët ishte stërvitur deri pak ditë më parë, por kjo e ka kthyer në një njeri të sulmuar.
