Në intervistën për emisionin HARD TALK NGA ROLAND QAFOKU, Bujar Nishani deklaroi se Edi Rama dhe mazhoranca është përgjegjës për situatën e krijuar në Shqipëri. Gjithashtu ish-Presidenti u shpreh se para përgjegjësisë është edhe PD si forcë e rëndësishme politike në Shqipëri.
-A ka faj Partia Demokratike për situatën në të cilën ndodhet vendi?
–Në një sistem kaq problematik, nuk mund të përjashtohet asnjëri nga komponentët e këtij sistemi. Komponentët që janë brenda një sistemi të deformuar, kanë përgjegjësitë e tyre.
-Në çfarë shkalle e ka PD përgjegjësinë?
-Nëse do vendosim në kandar përgjegjësinë e njërës apo tjetrës, kjo do ishte një çështje shumë subjektive. Por, absolutisht nuk mund t’i jepet përgjegjësi opozitës që nuk ka mekanizma kontrollues. Nuk ka hapësirë për të jetësuar pushtetin e saj në një sistem politik normal ku pretendohet që funksionojnë të gjithë aktorët me atë i cili e ka përkthyer të gjithë rrjetin e sistemeve vetëm në një laps personal. Padyshim që opozita ka problemet e veta dhe ka dështime me procesin që ka projektuar për të realizuar objektivin e saj sepse nuk e ka realizuar objektivin e saj për rrëzimin e kësaj qeverie. Padyshim që ka përgjegjësira, por nuk mundesh të thuash t’i që mungesa e hapësirës në parlament është përgjegjësi e opozitës. Opozita vazhdon të ketë sot përgjegjësi më të mëdha krahasuar me mazhorancën në raport me pritshmëritë e qytetarëve. Qytetarët nuk kanë më pritshmëri nga mazhoranca./Fjala.al/Ke.Ba
https://www.youtube.com/watch?v=PIPn0Rq7pVU
