Chelsea ka plot 5 klube që e ndjekin ata në garën për vendin e katërt të kampionatit anglez, atë që garanton miliona dhe prestigj me pjesëmarrjen në Ligën e Kampioneve. Spurs dhe United tani luftojnë të parakalojnë Blues, por… a mundet Sheffield United, Wolverhampton apo edhe Arsenali të rrëmbejnë vendin e fundit të Ligës së Kampionëve?
Liverpool mund të ketë përfundimisht të mbyllur diskutimin për titullin e Premier League, por është një situatë shumë e ndryshme në betejën për vendin e fundit të Champions League. Chelsea, i cili aktualisht zë atë vend të çmuar të katërt, nuk do të ketë më pak se pesë ekipe që përpiqen t’a rrëzojnë kur sezoni të rifillojë këtë javë.
Manchester United paraqitet në hierarkinë më të mirë për të kapërcyer armatën e Frank Lampard, megjithëse Wolves, Sheffield United, Tottenham dhe Arsenal po kërkojnë gjithashtu atë “spot”që i garanton turneun elitar.
Shpresat e Lampard për ta çuar Chelsea në Ligën e Kampionëve në sezonin e tij të parë në krye, morën një “dozë energjie” kur N’Golo Kante u kthye në stërvitje javën e kaluar. Mungesa e tifozëve me gjasë do të jetë në favorin e Bluve në Villa Park, ndaj Aston Villa. Por ata londinezët ende kanë disa ndeshje të vështira për të diskutuar nëse do të qëndrojnë në katër vendet e para, sidomos derbin me West Ham dhe Crystal Palace, dhe sfidën ndaj Manchester City
