Sulmuesi i kombëtares italiane të futbollit, Ciro Immobile ka shumë admirues në ligat kryesore europiane, mbi të gjitha në Premier League. Pas interesimit konkret të Manchester United, tani është skuadra e Newcastle ajo që po tundon Lazio dhe vetë lojtarin me një ofertë ekonomike të parefuzueshme.
Në kohën e krizës së coronavirus dhe shkurtimit të buxheteve, 55 milionë Euro për skuadrën bardhekaltër, dhe 8 neto për Immobile në 5 sezonet e ardhshme janë vërtet shumë. Këtyre do ti shtohen edhe bonuset e majme të Premier League, nga skuadra e “Magpies”. Immobile po tundohet për të provuar Anglinë, pas eksperiencave jo fort ekzaltuese me fanelën e Borussia Dortmund dhe Sevilla, e kjo mund të jetë një tjetër aventurë jashtë.
Por Newcastle do të duhet të bëjë llogaritë edhe me afeksionin e sulmuesit për fanelën e Lazio. Prej kohësh flitet për rinovimin e tij deri në 2025. Drejtori Sportiv, shqiptari Igli Tare i ka ofruar 4 milionë Euro në sezon, dhe kjo verë do të përcaktojë nëse do pranojë joshjen nga arabët e Neëcastle, apo mbetet te Lazio.
