Will Smith ka firmosur një kontratë të majme për të luajtur rolin e një skllavi në filmin thriller, të titulluar “Emancipimi”, në bashkëpunim me regjisorin Antoine Fuqua.
Aktori 51-vjeçar do të luajë rolin e Peter në një film historik, që bazohet në një histori të vërtetë të vitit 1863. Në film përshkruhet jeta dhe përpjekjet e një njeriu me ngjyrë, një skllavi, dhe udhëtimi i tij i jashtëzakonshëm drejt lirisë, për tu bashkuar në fund me Ushtrinë e Bashkuar raporton Daily Mail.
Prodhimi më i ri, me skenar të William N.Collage, pritet të nisë xhirimet vitin e ardhshëm. Ndërkohë aktori Will Smith pritet që në përfundim të pandemisë të vijojë xhirimet për filmin “Mbreti Richard”, ku ai luan rolin e Richard Williams, babait të Venus dhe Serena Williams.
Ndërkohë që më herët këtë vit u shfaq premierë edhe filmi “Bad Boys” që arkëtoi deri përpara pandemisë 419 milionë dollarë. Smith refuzoi rolin si personazhi kryesor i një skllavi në filmin “Django” të Quentin Tarantinos në vitin 2012, rol që më pas iu besua aktorit Jamie Foxx.
ka.ta/Fjala.al/
