Australia në sajë të mbylljes së fluturimeve ndërkombëtare dhe rregullave strikte të distancimit social, është një prej vendeve që e ka përballuar më mirë pandeminë e koronavirusit.
Teksa ditëve të fundit po shënohet një shtim rastesh, Australia po planifikon që të qëndrojë e mbyllur për turistët deri në fillim të vitit 2021.
Ky fakt u bë me dije nga ministri i Tregtisë, Simon Birmingham, gjatë ditës së martë, duke paralajmëruar mos lejimin e udhëtimeve për vizitorët që vijnë nga jashtë.
Përjashtim nga ky rregull do të bëjnë studentët dhe punonjësit me leje qëndrimi, të cilët gjithsesi do të qëndrojnë në karantinë të detyruar për 14 ditë, shkruan noa.al.
Në Australi qysh nga nisja e pandemisë janë shënuar 7.370 infektime dhe 102 viktima në total.
Por rikthimi i 21 rasteve pozitive në një ditë në Victoria, bëri që të ndërmerren sërish masa strikte, pasi 15 nga të prekurit, vinin nga jashtë./Bl.Ba/Fjala.al
