Festa Kombëtare e Islandës, Ruçi uron homologun Sigfússon

113 563 lexime

124,178FansaPëlqeje

Kryetari i Kuvendit të Shqipërisë, Gramoz Ruçi ka uruar homologun islandez Steingrímur J. Sigfússon për ditën e themelimit të Republikës së Islandës e cila aty është festë kombëtare.

Ruçi është shprehur se Shqipëria dhe Islanda kanë marrëdhënie shumë të mira pasi kjo e fundit ndihmoi pa rezerva për anëtarësimin në NATO si dhe me marrëveshjen e mënjanimit të taksimit t ë dyfishtë në 2014 që është një hap i rëndësishëm i zgjerimit të bashkëpunimit.

Ai ka theksuar që shpreson se dy parlamentet të kenë më shumë bashkëpunim po ashtu dhe dy vendet prandaj e fton Sigfússonin për një vizitë në Shqipëri.

NJOFTIMI NGA KUVENDI

Kryetari i Kuvendit, z. Gramoz Ruçi, uron Presidentin e Parlamentit të Islandës, Sigfússon, me rastin e Festës Kombëtare

Kryetari i Kuvendit, z. Gramoz Ruçi, i ka dërguar një letër urimi Presidentit të Parlamentit të Islandës, z. Steingrímur J.  Sigfússon, me rastin e Festës Kombëtare, themelimit të Republikës.

“Me rastin e 17 Qershorit, Festës Kombëtare të Islandës, Ju dërgoj urimet më të mira për popullin islandez, Parlamentin dhe Ju personalisht.

Dita Kombëtare e Islandës, e cila kremton themelimin e Republikës së Islandës, 76 vjet më parë,  më 17 qershor 1944, është një ngjarje e madhe historike për kombin, sistemin demokratik, emancipimin politik e shoqëror të Islandës si edhe mirëqenien e popullit islandez.

Republika e Shqipërisë dhe Republika e Islandës kanë marrëdhënie shumë të mira dhe unë shpresoj që bashkëpunimi midis dy vendeve tona të njohë zhvillime të reja në të ardhmen. Marrëveshja për mënjanimin e taksimit të dyfishtë, e cila u nënshkrua në shtator të vitit 2014, është një hap i rëndësishëm në zgjerimin e bashkëpunimit dypalësh.

Shqipëria i është mirënjohëse Islandës për mbështetjen pa rezerva të anëtarësimit në NATO dhe bashkëpunimin e mëtejshëm në kuadrin e kësaj Organizate.

Lexo edhe :  Endri Shabani i shtang të gjithë: PD nxori grupe të armatosura për vota

Gjatë muajve të fundit Islanda, ashtu si edhe Shqipëria e gjithë njerëzimi, vuajti pasojat e pandemisë, të cilat, fatmirësisht për dy vendet tona nuk ishin shumë të rënda. Shqipëria dhe Islanda po dalin nga situata e pandemisë dhe këtë shpresojmë edhe për vendet e tjera, duke uruar që njerëzimi t’i kthehet gradualisht normalitetit.

Shpreh bindjen në nisjen e një bashkëpunimi të frytshëm midis Kuvendit të Shqipërisë dhe Parlamentit të Islandës dhe përfitoj nga ky rast për t’ju ftuar për një vizitë zyrtare në Shqipëri, në një kohë sa më të afërt dhe në përputhje me agjendën Tuaj.”, shkruan Kryetari i Kuvendit, z. Gramoz Ruçi, në urimin dërguar Presidentit të Parlamentit të Islandës, z. Steingrímur J.  Sigfússon, me rastin e Festës Kombëtare.ka.ta/Fjala.al/

Të fundit

Çfarë po ndodh sot me monedhat e huaja?/ Ja me sa po blihen dhe shiten dollari dhe euro

Sot, më 24 maj 2025, dollari amerikan blihet me 86.2 lekë dhe shitet me 87.4 lekë. Euro blihet me 97.8...

Parashikimi i motit për sot, 24 maj 2025

Shërbimi Meteorologjik Ushtarak njoftoi se sot vendi ynë do të vijojë të ndikohet nga kushte atmosferike të paqëndrueshme. Moti parashikohet me vranësira mesatare deri të...

Titulli kampion i takon Napolit të Contes, Inter bën detyrën ndaj Comos

Napoli fiton zyrtarisht titullin në Serie A. Napoletanët “kurorëzohen” si kampion në Itali, pas triumfit 2-0 ndaj Cagliarit, në ndeshjen e luajtur në “Diego...

Gjykata rrëzon Trump për çështjen e Universitetit të Harvardit

Një gjykatë federale në SHBA ka pezulluar përkohësisht vendimin e administratës Trump për t’i ndaluar Universitetit të Harvardit regjistrimin e studentëve ndërkombëtarë. Vendimi erdhi disa...

“E pabesueshme!” Një anije mallrash përfundon në kopshtin e një burri norvegjez

Një burrë norvegjez ka folur për momentin “e pabesueshë,” kur u zgjua për të zbuluar se një anije kontejnerësh 135 metra e gjatë ishte...

Lajme të tjera

Web TV