Premier League u rikthye në fushë me rikuperimet e raundit të 28-të ku padyshim ndeshja kryesore ishte ajo në Etihad Stadium. Në Manchester, City përfitoi nga nata e errët e mbrojtësit brazilian David Luiz dhe nga loja e mirë e armatës së Guardiolës dhe mundi Arsenalin 3-0.
Fillimisht një gol i bukur nga Raheem Sterling në kuadratin e Gunners pikërisht kur po prisnin të shkonin të qetë në pushim. Në fraksionin e dytë braziliani David Luiz që kishte bërë një gabim në golin e Sterling, tani bën më keq. Ai shkakton penalltinë e dyfishimit të shënuar nga De Bruyne, duke u dëbuar edhe me këtë rast nga arbitri me karton të kuq. Në minutën e dytë shtesë erdhi dhe firma e tretë e Citizens me talentin Foden.
