Pas një aksidenti të rëndë të ndodhur në Malishevë në orëtr e para të kësaj të mërkure, ka humbur jetën zyrtari i Nismës Socialdemokrate, Albert Krasniqi, një personazh i njohur shumë për përkushtimin e madh kundrejt futbollit.
Lajmin për vdekjen e Albert Krasniqit e ka bërë të ditur ministri i MTI-së, Vesel Krasniqi, në “Facebook”, i cili e kishte emëruar atë këshilltar të tij. Albert Krasniqi duket se ka pasur dashurinë e madhe për futbollin, teksa ka qenë president i klubit të femrave Malisheva. KFF Malisheva përmes një statusi në Facebook, i ka dhënë lamtumirën e fundit presidentit:
”Lamtumirë Kryetari ynë Albert Krasniqi!
Albert ditën e fundit të jetës tënde e kaluam së bashku duke bër planifikimet tona, për të ardhmen e klubit, ato planifikime të cilat mbeten në gjysëm. Ishin orët e vona të mbrëmjes, kur nuk kishte shumë kohë që u pershëndete nga ne për tu takuar serisht me ne, ndodhi aksidentit fatal që ta mori jetën në lulen e rinisë. Ishe dhe do të mbetesh gjithmonë në zemrat tona ashtu siç ishe i veçantë, i urtë, i mençur , e bujar siç dite ti. Lamtumirë Kryetar
Të qoftë i lehtë dheu i Kosovës”.
