Deputetja e opozitës Rudina Hajdari ka reaguas pas pjesëmarrjes në tryezën e sotme të shoqërisë civile ku diskutuan për aplikimin e një sistemi zgjedhor me lista të hapura.
Në një postim në Facebook, Hajdari shkruan se ndjehet e lumtur për mbështetjen që i kanë dhënë pa kursim dhe se e kanë inkurajuar që zërin e tyre ta çojë në Kuvend.
Postimi i plotë:
“Çështja e ndryshimit të sistemit zgjedhor nuk mund ti takojë vetëm partive sepse është një çështje e gjithë shoqërisë.
Prandaj sot u bashkova me Nismën Thurje dhe organizatat e shoqërisë civile për të ndarë me ta ecurinë e deritanishme të proçesit për ndryshimin e sistemit zgjedhor si edhe për të dëgjuar propozimet e tyre.
Jam e lumtur që të gjithë e mbështetën pa kursime idenë e hapjes së listave dhe më inkurajuan që zërin e tyre ta çoj në Kuvend.” shkruan Hajdari.
/En.Br./Fjala.al
https://www.facebook.com/rudinahajdari/posts/1337608836583598?__tn__=-R
