Kryeministri Edi Rama deklaroi sot nga foltorja e Kuvendit se krimi nuk matet me opinione, por me fakte.
Deklaratat e kreut të qeverisë erdhën si përgjigje ndaj deputetit të opozitës së re, Halit Valteri i cili thirri interpelancën, ministrin e Brendshëm, Sandër Lleshajn.
Rama tha se krimi nuk matet më gjysmëgënjeshtra që ju tregohen shqiptarëve, por matet me statistikë dhe shifra.
“Faktet nuk janë opinione. Nuk ka asnjë krahasim të mundshëm mes Shqipërisë sot dhe dje, jo shumë vite, por vetëm 6 vite më parë.
I kemi ofruar shqiptarëve një qeveri që ka luftuar krimin si askush më parë.
Kush përballet me krimin merr përbaltje sikur nuk e ka luftuar asnjëherë.
Nuk është opinion, por fakt që Shqipëria sot ka nj bilanc pozitiv në luftën më krimin.
Krimi nuk matet më gjysmëgënjeshtra që ju tregohen shqiptarëve, por matet me statistikë dhe shifra. Nuk ka asnjë vend demokratik që ka eruar vrasjet,” deklaroi ndër të tjera kryeministri Edi Rama.
