Banda kriminale “Ndragheta-s”, që trafikonte drogë nga Brazili dhe Shqipëria drejt Italisë është shkatërruar nga antimafia italiane.
Mediat italiane raportojnë se në pranga kanë rënë 11 anëtarë të bandës, 8 prej të cilëve janë shqiptarë.
Aksioni i sotëm ishte faza finale e operacionit “Rinascita-Scot”, i cili më 19 dhjetor të 2019 çoi në arrestimin e 334 personave, mes të cilëve edhe njerëz të politikës.
Ndërsa theksohet se lënda narkotike vinte përmes Brazilit dhe Shqipërisë nëpërmjet kompanive të import-eksportit për materiale mermeri, niobiumi e mangani dhe shitej më pas në tregjet e Toscana-s, në Siçili, Piemonte dhe Cosenza-s.
Ndërsa klani shqiptar trafikonte marijuanë e hashash nëpërmjet portit të Barit në Itali, nga një grup trafikantësh që jetonin në Toscana.
Shqiptarët e arrestuar janë:
– Orkind Cobaj i lindur në Shqipëri më 20/08/ 1992 e i shpallur në kërkim;
– Ydaj Hoxhaj, lindur në Shqipëri më 04/01/ 1991;
– Robert Lazaj lindur në Mekat të Vlorës më 29/08/1972;
– Alfred Lucaj lindur në Shqipëri më 26/05/1979;
– Lulezim Shkurtaj lindur në Shqipëri më 27/05/1987;
– Eduart Tahiraj i njohur dhe me emrin Dhimitër Lutaj lindur në Shqipëri më 22/10/1971;
– Floriand Tahiraja lindur në Vlorë më 22/02/1983; Lavdosh Serani lindur në Shqipëri më 01/06/1975.
Nga ky operacion janë sekuestruar 1 kg kokainë, 81 kg mariajunë, 25 kg hashash, 3,952 rrënjë kanabis e dhjetëra gramë heroinë dhe pilula escstasy, ndërsa të arrestuarve i janë sekeustruar të mira materiale me vlerë mbi 16 milionë euro.
Operacioni në fjalë goditi marrëdhëniet midis ‘Ndrangheta dhe politikës, ndërsa në pranga ranë ish-parlamentar të forcave të ndryshme si të Partisë Demokratike, Forza italia, PSI, avokatë e profesionistë si dhe dy drejtues të policisë bashkiake.ka.ta/Fjala.al/
