Kush do ta mendonte se në një sezon të gjymtuar nga pandemia e pas 3 muajsh pushime të detyruara, Luftëari do të vuante një nga humbjet më të thella në histori. Skuadra e futbollit gjirokastrit kërkon të mos e kapërdijë “turpin me bukë” pasi ka marrë masa konkrete.
Edhe pse e rënë dhe e poshtëruar, skuadra e qytetit “të gurtë” që vuajti dhe rënien matematikore nga elita, ka liruar menjëherë 10 futbollistë. Me ta është rënë dakord për një dorëheqje të detyruar, praktikisht janë likujduar për financimet deri në Prill, por kanë hequr dorë nga pagat e majit dhe Qershorit, duke marrë në këmbim kartonat.
Pas humbjes poshtëruese që bluezinjtë pësuan fundjavën e kaluar ndaj Partizanit, janë vendosur gjithashtu gjoba nga presidenca. Tani Luftëtari përballet me emergjencën për të krijuar një formacion nga hiçi, për ndeshjen e së shtunës ndaj Teutës.
