Tekniku spanjoll i Manchester City ka njoftuar lamtumirën e afërt të sulmuesit gjerman, Leroy Sané. Ai nuk do të rinovojë kontratën e tij me Manchester City që skadon në qershor 2021, dhe mund të largohet nga klubi këtë verë.
Trajneri i Citizens Pep Guardiola e njoftoi largimin e pritshëm në një konferencë për shtyp. “Leroy refuzoi propozimet tona për rinovim dy ose tre herë. Nëse gjejmë një marrëveshje me një klub tjetër, mund të shkojë këtë sezon, përndryshe ai do ta bëjë këtë kur skadon kontrata e tij” tha trajneri katalanas.
Interesimi i Bayern Munich është shumë i fortë për sulmuesin gjerman, i lindur në 1996, i cili do të dëshironte të rikthehej në vendlindje për tu rikuperuar më mirë pas dëmtimit të gjatë.
Sané ka mbetur jashtë fushave që nga 4 gushti 2019, kur pësoi një dëmtim të rëndë të ligamenteve gjatë finales së Community Shield kundër Liverpool. Këtë sezon ai nuk e ka marrë ende lejen të rikthehet në fushë, por situata nga pandemia e ka ndihmuar atë në procesin e rehabilitimit. Topi tani kalon te dy klubet, të cilët do të diskutojnë çmimin e kartonit të tij. Nuk do të jetë e lehtë për City që të rikuperojë 52 milionë euro që i paguante Schalke, skuadrës së Gelsenkirchen katër vjet më parë.
