Presidenti Ilir Meta i tërhoqi vëmendjen qeverisë për rritjen e borxhit publik, ndërsa i cilësoi si teatër debatet në komisione për rrëzimin e tre dekreteve të tij.
“Tërheq vëmendjen për nivelin e lartë të borxhit, dhe rrezikun për rritjen akoma më tej. Duhet një analizë e nevojave më prioritare dhe për mbajtjen nën kontroll të borxhit publik.
Për tre dekretet u që u rrëzuan u zhvillua një teatër në komisione. Unë do të vijoj punën për kthimin e ligjeve anti-kushtetuese” tha ai.
Ndërsa i pyetur në lidhje me konkluzionet e komisionit të Venecias ai u shpreh se nuk e ka pritur asnjëherë verdiktin e Venecias pasi është i sigurt që ka respektuar Kushtetutën në vendimet dhe veprimet që ka ndërmarrë.
Në lidhje me vendimin zyrtar të këtij komisionit, Meta tha se “shpresoj që Venecia të ruaj integritetin e saj”.
“Asnjëherë nuk kam pritur verdiktin e Venecias për aktet që kam kryer si president, se kam respektuar kushtetutën e Shqipërisë dhe ju e dini se ajo është bërë sipas rekomandimeve të Venecias, nuk pres të dëgjoj konkluzionet e Venecias për të qenë i përgjegjshëm për aktet e mia, shpresoj që Venecia të ruaj integritetin e saj” u shpreh kreu i shtetit në konferencën për mediat me gazetarët./Bl.Ba/Fjala.al
