Tri skemat për zgjidhen e çështjes së pronës

113 563 lexime

124,178FansaPëlqeje

Kreu i ASHK-së: Shumë shpejt do të dëgjoni lajme nga Kadastra e Vlorës, po heqim kusuret e 25 viteve tallje. Tokë me 7501, Artan Lame: Do t’i japim fund regjistrimit, ja të gjithë hapat

Zgjidhja e problemeve të pronësisë mbi tokën bujqësore do të kalojë përmes tri skemave. E para, për qytetarët që kanë një pronë dhe kundrejt saj nuk ka askush pretendime, do të pajisen me certifikatë pronësisë.

E dyta, për qytetarët kanë pretendime për të njëjtën sipërfaqe, do të ndiqet rruga e “pajtimit”, pra ta zgjidhin mes tyre dhe më pas të jepet certifikata e pronësisë. E treta, për qytetarët që kanë pretendime mbi të njëjtën sipërfaqe dhe nuk e gjejnë gjuhën e pajtimit, të vendosë gjykata, më pas të jepet certifikata e pronësisë.

Tri skemat janë bërë të ditura nga kreu i Agjencisë së Kadastrës, Artan Lame, i cili premtoi se problemi 30-vjeçar për regjistrimin e tokës bujqësore, të dhënë me ligji 7501, do të marrë fund shumë shpejt.

Takimi

Kreu i Kadastrës, Artan Lame, paralajmëroi dje se do të mbyllet procesi i regjistrimit të pronave në Jug. Duke folur për mediat, Lame kritikoi ashpër shtetin shqiptar që, sipas tij, prej 30 vitesh nuk është në gjendje të mbyllë problemin e pronave.

Artan Lame theksoi se pas dy dështimeve, regjistrimi i pronave do të përfundojë, ndërsa sqaroi edhe hapat që do të ndiqen, që nga marrja e informacioneve në terren, e deri te dhënia e certifikatave të pronësisë qytetarëve.

“Ka 30 vjet që shteti shqiptar, ku më shumë e ku më pak, nuk ka qenë në gjendje ta mbyllë problemin e pronave, kryesisht në Jug. Janë gjithë zonat kadastrale të bregdetit të jugut ende të paregjistruara.

Dy herë është nisur ky proces, të dyja herët ka dështuar. Një herë u nis dhe u la në mes, herën tjetër u çua më tej, por u la sërish, edhe pse ishte me financime të huaja. Jua them me bindje se kjo do të jetë hera e tretë ku procesi i regjistrimit të pronave në Jug do të përfundojë. Por, ky proces nuk mund të bëhet pa u bërë të gjithë bashkë.

Po nuk u krijua fryma e bashkëpunimit dhe fryma që shteti, me gjithë problemet që mund të ketë, e ka marrë seriozisht këtë, nuk mund të shkojë përpara. Besoj që do të mbyllet në këta muaj, që është lënë si proces.” – tha Lame.

Regjistrimi

Kadastra do të ngrejë grupe pune për përfundimin e procesit të pajisjes së tokës me tapi, të cilat fillimisht do të kryejnë verifikimet në terren. “Për rreth dy-tre muaj ne do të vazhdojmë me grupet në terren, për të bërë mbledhjen e informacionit, pastaj do të përpunohet në zyrat tona dhe do të shfaqet për dy-tre muaj të tjerë pranë gjithë zyrave tona në bregdetin e jugut dhe do t’i lihet afat dy-tre muaj çdo qytetari të shohë si është pasqyruar prona e tij.

Do të kemi tri kategori, o qytetarë që e kanë pronën të pastër dhe do të marrin certifikatën e pronësisë, o qytetarë që kanë probleme me njëri-tjetrin dhe arrijnë ta gjejnë zgjidhjen me njëri-tjetrin dhe do të regjistrohen të dyja palët dhe do të marrin certifikatën, o qytetarë që kanë probleme me njëri-tjetrin dhe nuk e gjejnë zgjidhjen, dhe do t’u thuhet të shkojnë në gjykatë”, tha Lame.

Lexo edhe :  A mund të hani akullore çdo ditë? Përgjigjja mund t’ju surprizojë

Zyra e re në Dhërmi

Kadastra hapi zyrë në Dhërmi, ndërsa u nënshkua edhe marrëveshja për administrimin e pronave me Bashkinë e Himarës. Në takim me banorët e zonës, kreu i Agjensisë, Artan Lame, tha se gjithçka do të bazohet në harta digjitale dhe dokumentacion, çka bën të mundur shmangien e mbivendosjeve apo abuzimeve me zhvendosjen e hartave.

“Kam ardhur me këtë mision, i ngarkuar nga vetë kryeministri, dhe e kam marrë si sfidë personale dhe pjesë të karrierës sime. As do t’i hyj njeriu në hak, dhe do të mundohemi të bëjmë të pamundurën që askush të mos mbetet në fund që të thotë më morën tokën.” – tha Lame.

Kadastra e Vlorës

Kreu i Kadastrës, Artan Lame, foli për problematikat e shumta në Kadastrën e Vlorës, ku në pak kohë kanë ikur shumë drejtues. Lame theksoi se Kadastra e Vlorës është institucioni më problematik në vend, dhe se aty po hiqen kusuret e 25 viteve talljeje me njerëzit.

Mes të tjerash, Artan Lame paralajmëroi se shumë shpejt do të ketë lajme nga Kadastra e Vlorës. “Kadastra e Vlorës është institucioni më problematik në vend. Ne po heqim kusuret e 25 vjetëve talljeje me njerëzit. Për këtë arsye procesi i regjistrimit në Jug nuk po bëhet nga Kadastra e Vlorës, por nga ekipet tona. Për sa i përket Kadastrës së Vlorës, së shpejti do të dëgjoni sërish lajme”, theksoi Lame.

Qeveria shqiptare ka vijuar në muajt mars-qershor procedurat e tenderimit për rindërtim dhe zhvillim të godinave dhe zonave të dëmtuara nga tërmeti i datës 26 nëntor 2019. Deri tani dy janë autoritetet që po procedojnë: Fondi Shqiptar i Zhvillimit dhe Bashkia e Tiranës . Open Procurement Albania po përgatit pasaporta për çdo procedurë tenderimi dhe kontraktimi lidhur me këtë program.

Deri tani janë shpallur disa kontraktime nga qeveria shqiptare, procedura e përzgjedhur në tenderime është ajo e kufizuar (jo e hapur) dhe afati i kërkesave për shprehje interesi në secilin rast është jo më shumë se 10 ditë kalendarike. Procedura dhe afati janë paracaktuar me aktin normativ nr. 9 datë 16.12.2019 Për Përballimin e Pasojave të Fatkeqësisë Natyrore, akt normativ me fuqi ligji.

Kështu, është shmangur dhe anashkaluar aplikimi i rregullit dhe legjislacionit të zakonshëm për prokurimet publike. E njëjta procedurë dhe i njëjti afat u aplikua edhe në rastin e kontraktimeve mbi kufirin e lartë monetar, kontraktime që kërkojnë garë dhe njoftim ndërkombëtar.

Në ligj afati për shprehje interesi në rastin e procedurës së kufizuar është për çdo fazë minimumi 20 ditë pune, ndërsa procedura e kufizuar përdoret vetëm në raste specifike.

Aplikimi i rregullave dhe procedurave të paracaktuara me akt normativ, përmes afateve tepër të shkurtra dhe procedurës së kufizuar, përkon me situata kontraktimi me më shumë risk për defekte të konkurrencës dhe efikasitetit të ofertës. Më poshtë tenderët e shpallur deri tani (qershor 2019)

la.mi/Fjala.al

Të fundit

Presidenti Begaj sot në Kosovë, takim ‘kokë më kokë’ me Osmanin!

Presidenti Bajram Begaj ndodhet në Kosovë, me ftesë të presidentes Vjosa Osmani. Begaj u nis drejt Kosovës pasditen e...

Panik në një plazh/ Droni në det tmerron pushuesit, menduan se fluturoi nga Irani

Zhvillimet e fundit në Lindjen e Mesme shtojnë shqetësimet e të gjithëve. Të prekur nga ngjarjet, disa plazhistë në një plazh të Heraklionit kur...

Largoni stresin! 4 përfitimet e meditimit në lëvizje dhe si ta bëni

A ju duket sfidues meditimi? A është e vështirë për ju qëndrimi ulur gjatë meditimit? Atëherë do të ishit mëse të lumtur të dinit...

Këmbimi valutor/ Çfarë po ndodh sot me monedhat e huaja?

Sot, më 15 prill 2024, dollari amerikan, blihet me 94.6 lekë dhe shitet me 95.5 lekë. Euro, blihet me 101 lekë dhe shitet 101.7 lekë. Franga...

Jemi në epokën e artë të eksplorimit të mbytjeve detare

Thatësira, ngjarjet ekstreme të motit, ndryshimet klimatike dhe përdorimi i teknologjive gjithnjë e më të avancuara po sjellin në sipërfaqe rrënojat e fundosura shekuj...

Lajme të tjera

Web TV