Ai është pranë një titulli historik me Liverpool këtë verë, pas plot 3 dekadash mungesë të kësaj feste në Anfield Road. por Sadio Mane ka gjithashtu në mendje të tjera plane. Pas pushimeve të shkurtra në vendlindjen e tij, ai synon të fokusohet në një skuadër të re, larg Premier League.
Sadio Mane ka ngjallur frikë te Liverpool se mund të largohet gjatë kësaj vere pasi shpreson të provojë diçka të re, por sërish në optikën e Champions League. Ylli i Senegalit që vlen mbi 100 milionë euro, ende nuk ka dhënë ndonjë sinjal që do të nënshkruajë marrëveshjen e re të ofruar nga Liverpool nëntë muaj më parë.
Kjo ka bërë që trajneri i Liverpoolit të jetë në “ankth” me situatën e sulmuesit të tij. Real Madrid dhe PSG janë skuadrat e interesuara për Mane, që pas kalimit te Liverpool në vitin 2016, është shndërruar në mesin e sulmuesve më të mirë.
Kontrata e Mane sigurisht skadon në 2023 dhe ka ende kohë, por nëse nuk rinovon, Liverpool do pranojë ta shesë për të mos komplikuar situatën. Sipas The Sun, ekipe si real madrid dhe PSG janë gati të ofrojnë edhe 150 milionë, vetëm për ta patur në gjirin e tyre, e në kohët e krizës së pandemisë dhe ekonomisë, kjop është një super marrëveshje.
