Parkimi në 8 rrugë dhe 3 sheshe të Elbasanit do të jetë me pagesë. Këshilli Bashkiak i Elbasanit miratoi vendimin në mbledhjen e fundit, ky kryebashkiaku Gledjan Llatja argumentoi nismën.
“Çdo paketë fiskale të miratuar në Bashkinë e Elbasanit është përcaktuar tarifa 50 lekë në orë për parkimin në disa rrugë të qytetit,” deklaroi Llatja.
Por vendimi bashkisë Elbasan ka ngjallur kundërshtime mes qytetarëve.
E cilësojnë të nxitur dhe me efekte negative në ekonominë familje në kohët e vështira të koronavirusit.
“Unë e lej makinën 3-4 ditë sepse nuk lëviz, jam pensionist. Normalisht e marr makinën për një hall apo emergjencë që kam. I bie që ta kaloj pensionin tim tja kaloj bashkisë së Elbasanit”.
Edhe përfaqësuesit e opozitës në Elbasan janë kundër.
Ata e cilësojnë një tjetër taksë që fundos ekonomikisht qytetarët.
Eugen Isaji: Por çfarë mund të presësh nga një këshill monist. Këta kanë një vit që përveçse kanë ngritur tarifat dhe taksat nuk kanë bërë asgjë tjetër.
Parkimi me pagesë është diskutuar edhe me herët në Elbasan, por vendimi kaloi tashmë kur PS kontrollon të gjithë këshillin bashkiak.
Parkimi me pagesë do jetë në rrugët më poshtë
Rruga “Aqif Pasha”
Rruga “Qemal Stafa”
Rruga “Thoma Kalefi”
Rruga “Janaq Kilica”
Rruga “Kozma Naska
Rruga “28 Nëntori”
Rruga “25 Nëntori”
Rruga “Rinia”
Shesh Pallatit të Sportit
Sheshi para Turizmit
Sheshi Kinema “Vullnetari”
