Këngëtari me famë botërore, Justin Bieber, është akuzuar nga dy vajza se ka abuzuar seksualisht.
Gjatë ditës së shtunë një vajzë e identifikuar si Danielle ka treguar përmes një postimi në Twitter në detaje, se si ata janë takuar në një event në vitin 2014, raporton Vulture.
“Unë dhe shoqëria ime ishim duke shijuar gjithë natën. Një mashkull u afrua pranë nesh dhe na pyeti nëse donim ta takonim Justin. Sigurisht që thash po”,-tha vajza.
Vajza kishte shkruar se Bieber ishte kënaqur pak me shoqërinë e tij, e më pas i kishte ftuar të gjithë që të shkonin në dhomën e një hoteli.
“Justin më bindi që të mos thosha asgjë dhe askujt, përndryshe do të kisha në probleme serioze”.-ka thënë Danielle.
Po ditën e shtunë, një tjetër vajzë e quajtur Kadi ka pretenduar se sigurimi i këngëtarit e kishin ftuar atë të shkonte në dhomën e Justin, në vitin 2015.
“Unë i kërkoja që të ndalonte, dhe nuk mund të kryej marrëdhënie seksuale me dikë që nuk ka prioritet martesën. Më pas e shtyva me këmbë dhe u largova nga dhoma”,-tha ajo.
Kjo e fundit më tej ka theksuar se kishte përfunduar në trajtim për shëndetin mendor, pas asaj që kishte përjetuar.ka.ta/Fjala.al/
