Vedat Bajrami hyn tashmë edhe zyrtarisht në futboll. I cilësuar si njëri nga aktorët më të njohur të humorit në trevat mbarë shqiptare, së fundmi Bajrami ht është bërë agjent i futbollistëve. Ai është marrë edhe më parë me prurjen e futbollistëve në Superligën e Kosovës ku shumë skuadra kanë përfituar nga puna e tij. Kurse, tashmë Vedati ka fituar licencën nga Federata e Futbollit e Kosovës për ta ushtruar këtë profesion.
Vedat Bajrami i lindur më 18 Qershor 1980 në Prishtinë është aktor, humorist dhe regjisor. Ai është pjesë e grupit Humoristik “Stupcat” i cili debutoi për herë të parë më 2002-ën. Ai është i njohur për shumë vepra artistike , duke luajtur personazhe të njohur.
Por tani me futjen në botën e futbollit, karaktere si Liki, Fuka, Sahit Plisi etj, do të duhet të sinkronizohen me emra futbollistësh që ai do të përfaqësojë në Kosovë, me shpresën për ti dërguar në ligat kryesore europiane.
