Meghan dhe Harry janë kritikuar ashpër në rrjetet sociale pasi të dy vazhdojnë të përdorin logon e familjes mbretërore me incialet e tyre, pavarësisht faktit se nuk janë më pjesë e saj prej muajsh tashmë.
Që prej fundit të muajit mars, çifti jeton në Los Anxhelos dhe nuk është kthyer më në Londër. Të dy kanë vijuar ndërkohë edhe nga SHBA, punën e tyre të bamirësisë, me letra të firmosura e shkresa të dërguara, ende me logo të kurorës së Mbretërisë së Bashkuar.
Mjaftoi një letër zyrtare e publikuar në rrjet prej vetë Meghan, për të shkaktuar një furtunë reagimesh, se përse vendosën të heqin dorë nga të qenurit anëtar i familjes mbretërore më të famshme në botë dhe ende të shfrytëzojnë atributet e saj.
“Ende përdorni logon e familjes mbretërore? Përse nuk arrini ta kuptoni që hoqët dorë nga statusi i saj” shkruan një nga fansat e Meghan Markle. Zyrtarisht Harry dhe Meghan hoqën dorë nga titujt dhe detyrat e tyre zyrtare si anëtar të familjes mbretërore në janar të këtij viti. Ka.li/fjala.al/Burimi: The Sun
