Transporti publik qytetas dhe ndërqytetas nuk nisi sot për shkak të refuzimit të përfaqësuesve të këtij transporti.
Përfaqësuesit e transportit publik kërkuan uljen e tvsh dhe heqjen e akcizës por nuk kanë marrë asnjë përgjigje.
Gjithashtu ata thonë se është kosto e shtuar për ta realizimi i protokollit të sigurisë në kuadër të masave për parandalimin e koronavirusit.
Kjo ka bërë që të shtyhet për herë të dytë dhe pa afat rihapja e transportit publik.
Në datë 19 qershor, Shoqata e Transportit zhvilloi një protestë para ministrisë së Infrastrukturës dhe bëri me dije se nuk do të dalin në punë më 22 qershor, pra sot, pa u ndryshuar protokollet dhe pa u plotësuar kërkesat e tyre.
Kërkesat e Shoqatës së Transportit
1- Të hiqet akciza për naftës dhe taksave për karburantin si sektori i peshkimit.
2- Të ulet TVSH-ja nga 2% në 0% për këtë vit dhe më pas në vitin e ardhshëm të jetë 6%.
3-Rimbursimin e kapacitetit të munguar si pasojë e masave kufizuese.
4- Rimbursimin në burim i kategorive të cilat përfitojnë transport falas
Vendimet e qeverisë në mbështetje të shoqatës së Transportit
- Njohja si shpenzim i zbritshëm të 100% të konsumit të naftës, nga 43% që ishte deri më sot, me një efekt prej rreth 7 milionë dollarësh në buxhetin e shtetit;
- Heqja e të gjitha taksave dhe tarifave vendore për subjektet e transportit publik, deri në 31 dhjetor 2020.
Fillimisht ishte parashikuar që transporti të rihapej në 15 qershor, por ministria e shtyu me një javë për shkak të rritjes së rasteve të reja, por më pas kundërshtoi shoqata që vendosi kushte. Sot u rihap transporti detar dhe ajror./Bl.Ba/Fjala.al
