Një djalë shqiptar 12 vjeç është dhunuar nga babai i një shoku të klasës në Greqi, duke rikthyer akuzat për sulm me përmbajtje raciste.
Në një video të publikuar në mediat greke shihet sesi 12-vjeçari me origjinë shqiptare është shtrirë në tokë dhe goditet nga një burrë.
Fëmija ka treguar për televizionin grek ANT1 se ka qenë duke shëtitur me biçikletë kur u sulmua nga shoku i klasës dhe babai i tij.
Familja e 12-vjeçarit shqiptar e ka quajtur këtë si një sulm racist dhe ka kërkuar ndëshkimin e autorit.
“Babai i shokut të klasës më kapi prej flokësh dhe më goditi në kokë”,-tha i mituri shqiptar.
Ndërsa duhet theksuar se 12-vjeçari shqiptar dhe shoku i tij i klasës shpesh kanë pasur probleme edhe brenda shkollës. Fëmija ka lindur në Greqi, ndërsa prindërit e tij kanë rreth 30 vite që jetojnë në Greqi.
“Ai më mallkon për vendin tim dhe babai i tij dikur më bërtiti sepse ne kemi pasur përsëri një zënkë dhe këtë herë ai më kapi për flokë”, -tha fëmija shqiptar.
Ndërsa pas sulmit 12-vjeçari u dërgua në Spitalin e Fëmijëve, ku u zbulua se kishte marrë një frakturë në qafë.
Më tej prindërit e fëmijës u shprehën se po mendojnë që të ndërrojnë shkollën e djalit të tyre, për shkak të sulmeve të vazhdueshme që ata po ndeshin.ka.ta/Fjala.al/
