SHBA/ Donald Trump: Dhjetë vjet burg për protestuesit që vandalizojnë statujat

113 563 lexime

124,178FansaPëlqeje

Policia në Uashington shtyu me forcë një grup protestuesish të hënën vonë, të cilët po përpiqeshin të rrëzonin një statujë të Presidentit Andrew Jackson në një park pranë Shtëpisë së Bardhë.

Protestuesit në Sheshin Lafayette kishin lidhur litarë rreth statujës, në mënyrë që të mund ta tërhiqnin atë nga piedestali i saj. Ata përfundimisht u dëbuan nga sheshi nga dhjetëra oficerë të Policisë së Parkut që përdorën shkopinj dhe spruco speci.

Presidenti Donald Trump dënoi protestuesit në Twitter të hënën mbrëma dhe shtoi një paralajmërim: “10 vjet burg sipas Ligjit për Ruajtjen e Përkujtimit të Veteranit. Kujdes!

Është e njëjta zonë ku në fillim të këtij muaji policia shpërndau me forcë protestuesit në një kohë të shkurtër para se Presidenti Trump të shëtiste nëpër zonë për një mundësi fotografie pranë një kishe përtej rrugës nga Sheshi Lafayette.

Statuja e skalitur e Andrew Jacksonin, presidenti i shtatë i vendit midis viteve 1829 dhe 1837, me një uniformë ushtarake në majë të një kali, është në nderim të karrierës së tij ushtarake para-presidenciale. Por ai është kritikuar gjithashtu për nënshkrimin e një ligji të vitit 1830 që çoi në heqjen me forcë të mijëra amerikanëve vendas nga tokat e tyre në jug të SHBA, një ngjarje e njohur si “Gjurma e Lotëve”, sepse shumë vendas vdiqën ndërsa marshuan në perëndim.

Lexo edhe :  Trump nxjerr foton me Putinin nga sirtari: Ai do të vijë në Kupën e Botës në Amerikë

Andrew Jackson zotëronte gjithashtu shumë skllevër në plantacionin e tij në Tenesi, të cilët ai shpesh i trajtonte ashpër.

Përpjekja për të rrëzuar statujën e Jacksonit është pjesë e protestave të vazhdueshme kundër racizmit të shkaktuar nga vdekja e George Floyd, një afrikano-amerikan që vdiq ndërsa ishte në paraburgim policor në qytetin e Mineapolis muajin e kaluar. Protestat janë pjesë e një reagimi të ri kundër simboleve të perceptuara të supremacisë së bardhë, duke përfshirë statuja, monumente dhe flamurin e Konfederatës, që përfaqësonte shtetet jugore që u ndanë nga Veriu gjatë Luftës Civile 1861-65.

Shumë statuja dhe monumente janë dëmtuar ose shkatërruar nga protestuesit, ose janë hequr nga zyrtarët lokalë në përgjigje të protestave./VOA

Të fundit

Kthyen ‘përmbys’ shkollën 9-vjeçare në Pogradec, procedohen dy të mitur

Shërbimet e Komisariatit të Policisë Pogradec referuan materialet në Prokurori, ku filloi procedimi penal për 2 shtetas të mitur. Dy...

Doni të dini pse izraelitët janë indiferentë ndaj Gazës? Shihni televizionin e tyre

Roy Schwartz Ndonjëherë, lajmi më i rëndësishëm është ai që nuk shfaqet fare në tituj. Kjo ndodhi të premten e kaluar në edicionin e lajmeve...

Anëtarësimi në BE/ Ambasada Gjermane: Berlini është përkrah Shqipërisë

Ambasada e Gjermanisë në Tiranë ka rikonfirmuar mbështetje të fortë për Shqipërinë dhe të gjitha shtetet e Ballkanit Perëndimor në përpjekjet e tyre për...

Shqipëria me nivelin më të lartë të planeve për emigrim në CESEE, 10 % ikin brenda vitit

Rreth 33% e shqiptarëve e konsiderojnë emigrimin përkohësisht ose përgjithmonë brenda dhjetë viteve të ardhshme, ndërsa 10 për qind e tyre synojnë largimin brenda...

Merr fund sot saga e zgjedhjeve, Komisioni Rregullator ‘vulos’ rezultatet e 11 majit

Komisioni Rregullator do t’i vendosë sot ‘kapak’ përfundimisht rezultatit të zgjedhjeve të 11 majit. Gjatë mbledhjes që do të nisë në orën 11:30, Komisioni...

Lajme të tjera

Web TV