Ndërsa është nisur për në Thumanë, kryeministri Edi Rama ka ndaluar në fshatin Derven ku dhe ka pyetur kamarierin dhe pronarin e një lokali nëse i kishin marrë apo jo pagat e luftës.
Duke iu përgjigjur kësaj pyetje pronari i lokalit tha se ‘rrena’ apo gënjeshtra i ka fjalët e shkurtra, një mënyrë konfirmimi se gjithë punonjësit e lokalit morën paga lufte.
Më tej Rama u sigurua duke pyetur edhe vetë kamarierin nëse kishte marrë apo jo paga lufte, dhe ai i konfirmoi se kishte marrë 3 paga lufte.
Kryeqeveritari theksoi se po shkon në çerek milioni numri i shqiptarëve që kanë marrë paga lufte gjatë pandemisë
Biseda:
Edi Rama: Ja këtu, kemi ndalu në Derven pa shkuar në Thumanë, dhe u takuam me Gjonin. Gjon, pagat e luftës i morën punonjësit leje këtë të vërtetën
Gjoni:Të gjithë. Janë rrena këto që thuhen. Rrena i ka këmbët e shkurtra. Të vërtetën. Të gjithë i morën.
Edi Rama: Po ti i more pagat e luftës mo? Hajde këtu hajde, dil këtu. Ky është Eri. Eri kamarieri. I more pagat e luftës.
Kamarieri: Po
Edi Rama: Të treja
Kamaerieri: Po tre
Rama: Faktet janë fakte. Janë duke shkuar afro çerek milionë shqiptarë që kanë marrë pagat e luftës. Gjoni është një prej tyre. Ose tre paga ose 40 mijë lekë sipas kategorive. Vijojmë bëjmë verifikime dhe u shkojmë nga mbrapa të gjithëve të marrin pagat, kokërr leku më kokërr leku.ka.ta/Fjala.al/
https://www.facebook.com/watch/?v=614291685959955
