Ish- deputetja e Partisë Demokratike e Kosovës, Xhevahire Izmaku ka reaguar pas lajmit se Hashim Thaçi dhe Kadri Veseli akuzohen për krime kundër njerëzimit dhe krime lufte ndër të cilat, vrasje e paligjshme, zhdukje e detyruar e personave, përndjekje dhe tortura.
Përmes një postimi në rrjetin social ‘Facebook’, Izmaku thekson se asgjë s’po ndodh rastësisht.
Ndër të tjera Izmaku thotë se UÇK ishte ideali i kosovarëve për çlirim e pavarësi. “ Krenar që jetojmë në epokën Tuaj!”
Komentin e saj Izmaku e mbyll me “Ata që i gëzohen këtij lajmi, e kanë rastin t”i bashkohen kampeve serbe që sonte do të festojnë anekënd Serbisë”
Postimi i plotë i Xhevahire Izmakut
Asgjë s’po ndodh rastësisht e as ky lajm tani! Në mes fakteve pse po ndodh tani kaq befasishëm dhe emocioneve të rënda që po përjetojmë, ende jemi në pritje që të dal e pakonfirmuar zyrtarisht e thëna ‘aktakuze’!
Megjithatë, dikush do të jetojë 140 vjet ndoshta, por s’mund ta bartë lavdinë e kësaj fotografie që bart historinë tuaj të lavdishme! UÇK ishte ideali ynë për çlirim e pavarësi, e Ju prijës për çlirim të vendit shpresa jonë për liri! Krenar që jetojmë në epokën Tuaj!
P.s (Ata që i gëzohen këtij lajmi, e kanë rastin t”i bashkohen kampeve serbe që sonte do të festojnë anekënd Serbisë)!
