Kupa e Shqipërisë/Luhen sot ndeshjet e kthimit të çerekfinaleve, ja prognoza e 4 sfidave

113 563 lexime

124,178FansaPëlqeje

Veprimtaria e dytë e futbollit në vend, Kupa e Shqipërisë, do të luajë të mërkurën (sot) 4 takimet e kthimit të çerekfinaleve, 3 prej të cilave do të luhen pasdite, kurse fundit, në mbrëmje.

Natyrisht, duke i hedhur një sy rezultateve të ndeshjeve të para, që u luajtën para dy javësh, spikat kryesuesja e renditjes së Kategorisë Superiore, Tirana, e cila mbetet në rrugë të mbarë drejt sigurimit të të dy trofeve këtë sezon, pasi e ka fituar bindshëm sfidën e parë me Besëlidhjen.

Bardheblutë e fituan thellë, 5-1, përballjen e para dy javëve me lezhjanët, të cilët, së bashku me Apoloninë, janë të vetmet skuadra të nivelit të dytë të Kampionatit Kombëtar të Futbollit, Kategorisë së Parë, që kanë siguruar vendin midis 8 më të mirave të Kupës së Shqipërisë, teksa 6 të tjerat janë ekipe të Kategorisë Superiore.

Prandaj pritet që ndeshja e kthimit në Lezhë të mërkurën të jetë një formalitet, për më tepër duke patur parasysh që Besëlidhja mbetet e përqendruar tek ruajtja e vendit të dytë në grupin A, apo Grupin e Veriut, që të çon në “play-off”-in e Kategorisë së Parë.

Ndërkaq, Teuta dhe Vllaznia përballen me njëra-tjetrën në Durrës, me vendasit pak më të favorizuar, pasi kanë marrë një barazim me gola, 2-2, në Shkodër në ndeshjen e parë dhe mund të kuafikohen edhe me një fitore minimale, me një barazim të bardhë por edhe me një barazim 1-1.

Por rezultati i ndeshjes së parë nuk mbetet kurrsesi garanci për bregdetarët, për më tepër kur edhe Vllaznia e shikon Kupën si mundësi për të shpëtuar një sezon zhgënjyes në Superiore.

Në takimin e 3-të dhe të fundit që nis në ora 16:30, Kukësi pritet të mos e shkojë dëm fitoren 2-1 të arritur në ndeshjen e parë në Fier, kur të zbresë të mërkurën në fushën e Stadiumit “Elbasan Arena”, për t’u ndeshur me Apoloninë.

Lexo edhe :  Zyrtare/ Real Madrid njofton “divorcin” me trajnerin Carlo Ancelotti

Për më tepër që kjo e fundit është e përqendruar tek beteja për ngjitjen në Kategorinë Superiore në grupin B, apo grupin e Jugut, ku kryeson e shkëputur renditjen në kuotën e 43 pikëve, 4 më tepër sesa ndjekësja më e afërt, Pogradeci.

Në takimin e fundit të çerekfinaleve, që nis në ora 19:30, dhe që është mbase i vetmi që intrigon, Skënderbeu pret në Korçë Bylisin duke synuar përmbysjen e atij deficit minimal nga ndeshja e para dy javëve, ku ballshiotët patën fituar me një gol të vetëm.

Për ta intriguar më tepër këtë sfidë, Bylisi vijoi ta fitojë gjithashtu 1-0 edhe përballjen e para pak ditëve në kampionat dhe, prandaj, përballja e së mërkurës premton një betejë. Shorti i gjysmëfinaleve do të jetë i hapur dhe do të hidhet në mjediset e reja të FSHF-së.

Kupa e Shqipërisë
2019-2020

Çerekfinalet

Ndeshjet e kthimit

Besëlidhja – Tirana (1-5) (16:30)
Teuta – Vllaznia (2-2) (16:30)
Kukësi – Apolonia (2-1) (16:30)
Skënderbeu – Bylisi (0-1) (19:30)/Bl.Ba/Fjala.al

Të fundit

Paralajmërimi nga bota: epidemitë rikthehen për shkak të rënies së vaksinimit

Komuniteti global po përballet me një krizë serioze të shëndetit publik, pasi sëmundjet që konsideroheshin pothuajse të zhdukura po...

Çmimet e larta të biletave, reagon Duka: Është rritur ekonomia, edhe kombëtarja

Presidenti i Federatës së Futbollit, Armand Duka, në një intervistë për RTSH me gazetarin Kristo Thoma, ka trajtuar çështje të ndryshme që lidhen me...

Shqipëria në BE brenda vitit 2030? Sa janë realisht shanset?

Komisionerja për zgjerimin e Bashkimit Europian, Marta Kos ka folur për anëtarësimin e shteteve të Ballkanit Perëndimor në BE, ku ka vlerësuar reformat e...

Messi dhe Suarez krijojnë një klub futbolli, zbulohet projekti i madh

Leo Messi dhe Luis Suarez kanë krijuar një klub në kategorinë e katërt të futbollit uruguaian që quhet Deportivo LSM. Ish-bashkëlojtarët tek Barcelona tashmë...

Çështja “Meta”, disa persona kanë dëshmuar, do të shesin njëri-tjetrin

Eksperti i kriminalistikës, Ervin Karamuço thotë se për dosjen CEZ-DIA, ku ish presidenti Ilir Meta është marrë i pandehur, kanë dëshmuar disa persona. Në emisionin...

Lajme të tjera

Web TV