Studentët e Fakultetit të Ekonomisë në Universitetin e Tiranës ka firmosur sot një peticion drejtuar Rektoratit dhe FE për tërheqjen e diplomave.
150 studentë kanë firmosur peticionin për tërheqjen e diplomave të masterit, pasi 315 prej tyre nuk i kanë marrë ende.
Bëhet fjalë për skandalin që zbuloi gazeta “Fjala” ditën e djeshme ku thuhej se 315 studentë të vitit 2017- 2019 nuk marrin dot ende diplomat. Shkak për këtë ishte fakti se Rektorati i ka kthyer mbrapsht ndërkohë FE në 2017 kur janë regjistruar studentët në fjalë nuk i ka përcjellë listat.
Vetë studentët kanë kërkuar zgjidhje ose kanë thënë se do i drejtohen Gjykatës.
‘’Në çdo rast nuk kemi pasur zgjidhje. Ajo që kërkojmë, ja kërkojmë Rektoratit është që të na vendosë në dispozicion dokumentacionin.
Çështja çalon këtu pra, në 2017 kur janë regjistruar në FE, FE duhet t’i përcillte listën Rektoratit. Nuk ia ka përcjellë Rektoratit por Qendra e Shërbimeve Arsimore. Gjithsesi kjo e fundit ia ka dhënë, Universiteti i Tiranës.
Pra studentët kanë numra matrikullimi, nota. Dje morëm vesh se Rektorati ka kthyer diplomat dhe zgjidhja është shumë e thjeshtë. Ka studentë këtu me kredi dhe me halle dhe duan vetëm diplomat. Të pajisen me diploma para se t’i drejtohemi Gjykatës. ‘’- tha një prej studentëve.
Ndërsa Drejtori i kurrikulës në UT, Albano Zhapaj theksoi se një shkresë i është dërguar edhe Ministrisë së Arsimit, e cila sipas tij ka zgjidhjen në dorë, por një zgjidhje është edhe që sot dekani i FE, Dhori Kule t’i dërgojë listat e studentëve tek Rektorati sot.
‘’Unë po i dorëzoj avokatit të studentëve, një kërkesë Ministrisë së Arsimit që është hartuese e udhëzimit. Ministria e Arsimit ka zgjidhjen në dorë. Ka dy zgjidhje. Në rast se sot dekani i FE dërgon listat e studentëve atëherë zgjidhja është e menjëhershme.’’- u shpreh Albano Zhapaj.ka.ta/Fjala.al/
