Rreth dy javë vendi ka regjistruar shifra të larta të të infektuarve me koronavirus.
Nga Shkodra, nga testimet e kryera në 24 orët e fundit janë zbuluar 10 raste të reja pozitive me Covid-19.
Prej tyre mësohet se tre janë punonjëse në Gjykatën e Apelit të këtij qyteti.
Dyshohet se infektimet në gjykatë janë përhapur, pasi të premten e kaluar u konfirmua punonjësja e parë e prekur me koronavirus në Apel.
Aktualisht vijojnë hetimet epidemiologjike për familjarët dhe kontaktet e rasteve të infektuar, për të zbuluar se deri ku është shtrirë zinxhiri i përhapjes së virusit./Bl.Ba/Fjala.al
