Tre iranianë janë vënë në pranga nga policia e Teheranit, pasi akuzohen se tentuan që të shisnin foshnja përmes rrjetit social “Instagram”.
Mediat vendase raportojnë se tre të arrestuarit janë gjetur me dy foshnja, njëra 20-ditëshe dhe tjetra dymuajshe dhe mësohet se para grupit hetimor kanë dëshmuar se i kishin marrë nga familje të varfra “me një pagesë të vogël”.
Dy foshnjat janë dërguar nën kujdesin e një organizate shtetërore të mirëqenies dhe se prindërit e tyre janë identifikuar.
Rahimi tha se policia, ditëve të fundit, ka pranuar disa ankesa nga qytetarët, që bënin thirrje për veprime kundër atyre që janë të përfshirë në tregtinë në internet të foshnjave.
Gjithashtu policia vendase ka raportuar se kanë përfunduar pas hekurave dhe anëtarët e një bande që shisnin foshnja në provincën verilindore Gorgan, janë arrestuar. 4 gra dhe 1 burrë në këtë rast akuzohen se identifikonin nënat e varfra dhe më pas paguanin shpenzimet e tyre në spital dhe pas lindjes ua marrnin fëmijët./En.Br./Fjala.al
