Janë zbardhur detaje të reja nga grabitja e zyrave të Drejtorisë së Përgjithshme të Transportit mesnatën e djeshme në Kashar.
Burime për Fjala.al bëjnë me dije se grabitësit janë futur në drejtori nga dritarja e më pas kanë thyer një nga kasafortat me leva, në pamundësi për të hapur kasafortën e dytë ata e kanë marrë atë me vete.
Po këto burime theksojnë se shuma e parave të vjedhura nuk dihet ende, por mendohet të jenë 500 mijë lekë të vjetra.
Kamerat e sigurisë kanë kapur makinën me të cilën janë larguar autorë dhe policia ka bërë identifikim se në pronë të kujt është, pasi kanë pamje nga targat mjetit.
Policia ndodhet në vendngjarje dhe po punon për zbardhjen e plotë të grabitjes, ndërsa rikujtojmë se ngjarja u identifikua nga pastruesja mëngjesin e sotëm.ka.ta/Fjala.al/
