Një 40-vjeçar i shpallur në kërkim është arrestuar nga policia e Korçës, i cili ishte një nga anëtarët e katër anëtarët grupeve kriminale në fushën e narkotikëve të shkatërruar në kuadër të operacionit të koduar “LIMIT”. Në kuadër të operacionit në fjalë u arrestuan 57 persona dhe u shpallën në kërkim 8 të tjerë.
Pas hekurave ka përfunduar shtetasi me iniciale K.H., banues në fshatin Kurilë, Devoll, i cili për qëllime përfitimi të grupit në të cilin bënte pjesë, transportonte emigrantë të paligjshëm, duke iu premtuar kalimin drejt vendeve të BE-së, si dhe merrej edhe me trafikimin e lëndëve narkotike.
“Ndalimi i tij u bë pasi Gjykata për Krimet e Rënda në Tiranë, i ka caktuar masën e sigurisë “Arrest në burg”, për veprat penale “Grup i strukturuar kriminal” dhe “Ndihma për kalim të paligjshëm të kufijve”.” thuhet në njoftimin e policisë.
Uniformat blu vijojnë puna për kapjen e personave të tjerë të shpallur në kërkim.
/En.Br./Fjala.al
