Një 39-vjeçar është arrestuar nga specialistët e Drejtorisë së Antiterrorit pasi bënte thirrje në rrjetet sociale për të vrarë çifutët.
Pas hekurave ka përfunduar shtetasi Eduard Guza, 39 vjeç, banues ne fshatin Koxhaj, Shijak.
“Ndalimi i tij u bë pas një hetimi disamujor të nisur në muajin janar 2020, nga Drejtoria e Antiterrorit. Prokuroria pranë Gjykatës së Shkallës së Parë Durrës, mbi bazën e materialeve të referuara nga Drejtoria e Antiterrorit, në janar 2020, regjistroi procedimin penal për veprat penale “Nxitja, thirrja publike dhe propaganda për kryerjen e veprave me qëllime terroriste” dhe “Nxitja e urrejtjes ose grindjeve”” thuhet në njoftimin e policisë.
Në një postim në rrjetet sociale ai shkruan “Të shpëtojmë njerëzimin, vritni një çifut”.
Gjykata e Shkallës së Parë Durrës ka caktuar për 39-vjeçarin masën e sigurisë “Arrest në burg”./En.Br./Fjala.al
