Dhjetë gola të pësuar në pesë ndeshjet e fundit të ligës. Skuadra e Interit e ka humbur kompaktësinë dhe në sfidën e radhës pa Skriniar, Godin apo D’Ambrosio, nuk dihet sesi do të përgjigjet prapavija zikaltër që tashmë është nën akuzë.
Sa do të peshojë harakiri mbi Sassuolo? Trajneri Conte do të duhet të dëshmojë se ai i ka dhënë një ekuilibër, një reparti të kritikuar, sidomos pas barazimit 3-3 kundër skuadrës së De Zerbi që nuk i dha vetëm lamtumirën ëndrrave të kampionatit, por edhe shtoi rrezikun për në sprintin e Champions League.
Nëse diçka ka ndryshuar me të vërtetë, duhet të demonstrohet tashmë të dielën në mbrëmje në Parma. Kundër një kundërshtari historikisht të vështirë, i cili gjithmonë është shqetësues në sezonet e fundit, Conte duhet të gjejë mbi të gjitha fazën mbrojtëse optimal te Inter.
Të dielën në stadiumin “Tardini” do të duhet sforcimi i të gjithëve edhe pse skualifikimi ndaj Skriniar, detyron trajnerin të rikthejë në fuzhë lojtarin zhgënjyes Godin. Reparti do kompletohet nga De Vrij. Në fund të fundit Inter është m,brojtja e tretë më e mirë e kampionatit me 28 gola të pësuar, 4 më shumë se Juve dhe 2 më shumë se Lazio.
