Deputeti Kujtim Gjuzi është përjashtuar me 10 ditë nga punimet e Kuvendit. Kjo për arsyen se pothuajse në çdo seancë plenare nuk kanë munguar replikat e tij me kryetarin e Kuvendit, ndërkohë që Gramoz Ruçi e ka paralajmëruar disa herë për përjashtim.
“Sipas Urdhrit të Kryetarit të Kuvendit, Gramoz Ruçi, Nr. 31, datë 26.06.2020, sot u zhvillua mbledhja e Byrosë së Kuvendit, për shqyrtimin e ankesës së deputetit Kujtim Gjuzi kundër vendimit nr. 12, datë 23.06.2020, të Sekretariatit për Procedurat, Votimet dhe Etikën “Për marrjen e masës disiplinore ndaj deputetit Kujtim Gjuzi “Përjashtim nga pjesëmarrja në komisione dhe/ose seancë plenare për 10 (dhjetë) ditë”, thuhet në njoftim.
Për shkak se deputeti Kujtim Gjuzi nuk ishte i pranishëm, mbledhja u shty për ditën e hënë, datë 29 qershor, ora 12:00./Bl.Ba/Fjala.al
