Gjatë muajit qershor punonjësit e transportit publik do të marrin pagën e dytë të luftës.
Këtë e ka bërë të ditur drejtori i DPSHTRR, Blendi Gonxhja ku sipas tij rreth 2.4 milion euro do të shkojnë për këta punonjës.
Në një intervistë për Report Tv, Drejtori i Përgjithshëm i Transportit deklaroi gjithashtu se mosrespektimi i protokollit do të shtojë rastet dhe kështu humbjet do të jenë më të mëdha.
Rreth 85% e operatorëve të transportit ndërqytetas janë rikthyer në aktivitet, por sipas tyre numri i pasagjerëve është ulur ndjeshëm.
Ndërkohë, mungesa e transportit urban në kryeqytet vazhdon të mbetet një problem shqetësues për banorët./Fjala.al/Ke.Ba
