Botuesi Jozef Radi ka postuar një foto historike në rrjetet sociale për sa i përket mbrojtjes së gjuhës shqipe nga pushtuesit.
Bëhet fjalë për mbylljen e vitit shkollor 1943-1944 të shkollës “Moisi Golemi”, në Kërçovë të Maqedonisë. Në foto shfaqen 8 vajza të vogla luajnë një valle shqiptare mbas manifestimit të mbylljes së shkollës
Postimi i plotë:
Është mbyllja e vitit shkollor 1943-1944.
Shkolla “Moisi Golemi”, në Kërçovë të Maqedonise, ku një grup vajzash 7-8 vjeçare luajnë një valle shqiptare mbas manifestimit të mbylljes së shkollës. Fotoja është nga arkivi i mësuesit Reis Poshi, nga Gjirokastra, i cili prej tre vitesh punon si mësues në Prishtine, në Pejë dhe në Kërçovë…
Janë tete vajza kërçovare, me fustane të bardha, me dy shirita të kuq dhe me shqiponjë në gjoks…! Çfarë mrekullie! Janë tetë fytyra të gëzuara, të qeshura e plot dritë… Kjo foto në kohë lufte, dëshmon se shqiptarët shpërndanin shkrim e këndim, shpërndanin gëzim lirie e diturie të gjuhës së tyre… Kjo foto flet sa mijra fjalë e sa shumë libra bashkë… Le ta shohë edhe ministrja sotme e arsimit se vjen prej atyre anëve; le ta shohin edhe ata që e drejtojnë shtetin e sotëm shqiptar… se ata që e donin gjuhën shqipe e kanë shpërndarë me dashuri e sakrificë dhe i kanë mbushur me dritë e hare sytë e këtyre vajzave shqiptare…
jozef radi, 27 qershor 2020
/En.Br./Fjala.al
https://www.facebook.com/photo.php?fbid=10220753036808500&set=a.4059546739754&type=3&theater
