Arrestohet i shpalluri në kërkim për plagosjen e ndodhur në Mabë në datë 21 qershor.I arrestuari është Daniel Rama I akuzuar për plagosjen me armë zjarri të Odise Simoni.
Arrestimi i tij u bë pas disa kontrolleve që janë ushtruar nga policia e Lezhës pas disa pikave kontrolli të ngritura në disa ambjente ku dyshohej se fshihej autori i ngjarjes.
Po në vijim të veprimeve, grupi hetimor, nën drejtimin e Prokurorisë, përdori metoda speciale të hetimit dhe falë tërësisë së veprimeve të kryera, punës së organizuar dhe bashkëpunimit me familjarët u bë e mundur që shtetasi Daniel Rama, 40 vjeç, banues në Gjadër, të shoqërohet në ambientet e policisë, për veprime të mëtejshme.
Ndaj të dyshuarit materialet iu referuan Prokurorisë së Lezhës, për veprën penale “Vrasja e mbetur në tentativë”. /Ra.My. Fjala.al/
