Adiola Lakra do të dalë para Gjykatës së Tiranës mëngjesin e të hënës.
Sipas burimeve të Grupit Mediatik “FJALA”, Gjykata ka marrë sot kërkesën për masë dhe të hënën në orën 09:00 do ta shqyrtojë.
Lakra u arrestua të premten si bashkëpunëtore në atentatin ndaj Hekuran Billës.
Sipas hetuesve ka qenë Adiola Lakra që ka nxjerr në pritë Billën pas një takimi të lënë në zonën e Komunës së Parisit. Ajo u arrestua nga policia këtë të premte si bashkëpunëtore në ekzekutimin e 40-vjeçarit Hekuran Billa mbrëmjen e 11 qershorit.
Lakra është nga qyteti i Beratit dhe aktualisht jeton në Tiranë.
Adiola Lakra dyshohet se ka bashkëpunuar me Sebastjan Malin dhe Viktor Markun për ekzekutimin e Hekuran Billës. 26-vjeçarja dyshohet se ka marrë në telefon Hekuran Billën para krimit dhe i ka lënë takim në zonën e Komunës së Parisit, aty ku edhe po e prisnin vrasësit dhe pas krimit mësohet se ajo ka qenë nën vëzhgimin e policisë për 3 ditë me radhë./Fjala.al/Ke.Ba
