Karakteri i tij ka qenë shpeshherë shpërthyes në fushën e lojës, si me përfaqësuesen shqiptare ashtu edhe me Basel. Ke këtë të fundit gjithsesi, Taulant Xhaka ka qenë thuajse çdo herë në formacion, edhe pse padrejtësisht i kanë mohuar shiritin e kapitenit. Tani të përditshmet turke rrëfejnë se mesfushori i kombëtares kuqezi është n negociata me skuadrën e njohur turke, Besiktas.
Formacioni nga Stambolli që merr pjesë thuajse çdo sezon në kupat kontinentale, ka marrë OK e agjentit por problem mbetet ajo me helvetikët. Taulant Xhaka ka edhe një vit kontratë dhe Basel sipas të gjitha gjasave do të duhet të vendosë për të ardhmen e tij, pasi verën e ardhshme do ta humbiste me parametra zero. Një veprim i tillë nuk është për shkak të klubit helvetik, i njohur për të “shtrydhur” edhe tallentet e Akademisë, e jo më të afirmuar si Xhaka.
Ky i fundit, pas titujve kampion në Zvicër, do të ishte në favor të një aventure të re, dhe Besiktas, një nga ekipet me financa të fuqishme dhe tifozë të zjarrtë në Stamboll, duket pistë intriguese.
