Victoria Beckham shpeshherë i ofron fansave pamje nga vilat e saj në Britani apo Shtetet e Bashkuara por familja Beckham ka edhe një tjetër super vilë luksoze, në Dubai.
Stilistja 46 vjeçare postoi foto nga vila e jashtëzakonshme, buzë pishinës bashkë me fëmijët dhe bashkëshortin e saj. E rrethuar me palma të larta, vila ndodhet në ishullin Palm Jumeirah dhe sot në treg kushton plot 11 milionë dollarë.
David e bleu atë në vitin 2002 për 2 milionë dollarë ndërsa vlera e saj ka ardhur gjithnjë në rritje pas zhvillimit ekonomik që Dubai mori pas vitit 2008, me ndërtimin e një shteti krejt të ri, modern e inovator. Në po të njëjtin vit që e bleu, David tha se këtë pronë ja kishte dhuruar prindërve të Victorias, Tony dhe Jackie.
“David e kuptoi se kurrë nuk do të gjente kohë që të jetonte apo kalonte pushime të gjata në Dubai” tha një burim pranë çiftit Bekcham.
E si të mos mjaftonte një super vilë në Dubai, David dhe Victoria kanë në pronësi edhe një apartament, aspak të vogël, në ndërtesën e famshme Burj Khalifa. Sipas revistës Times, familja e bleu këtë apartament për vlerën e 5 milionë dollarëve.
Falë karrierës futbollistike të David dhe karrierës muzikore e prej vitesh si stiliste të Victorias, çifti Beckham zotëron prona në mbarë globin, në vlerën e mbi 70 milionë dollarëve.
Tabolidi “The sun” zbuloi se së fundmi çifti është bërë pronar edhe i një apartamenti luksoz në një nga qiellgërvishtësit më të famshme të Miami, e kompletuar me një tarracë për ngritje helikopteri, pishinë dhe palestër./Re.Gu/Fjala.al
