Shumë statuja dhe monumente janë dëmtuar ose shkatërruar nga protestuesit në Amerikë, ose janë hequr nga zyrtarët lokalë në përgjigje të protestave.
Protestat nisën pas vdekjen e George Floyd-it i cili u vra nga policia amerikane, dhe gjithçka u filmua.
Amerikanët dolën në protesta dhe dogjën komisariate, makina dhe çfarë ju doli para. Por, shumë prej tyre filluan të shembin statujat.
Ndërkohë, Donald Trump dënoi protestuesit dhe shtoi një paralajmërim: “10 vjet burg sipas Ligjit për Ruajtjen e Përkujtimit të Veteranit. Kujdes!
Por, gazetarja shqiptare Albana Lifschin shkruan se ndryshe nga vendet e tjera, qytetarët në Dakoten e jugut po përgatiten që të festojnë 4 korrikun.
Përmes një statusi në rrjetin social “Facebook”, Albana Lifschin, duke iu referuar deklaratave të guvernatores së Dakotës së jugut, deklaron se qytetarët aty do festojnë ditën e Pavarësisë dhe jo të monumentet e presidentëve në Rushmore. “Njerëzit tanë janë edukuar ndryshe” ishte mesazhi guvernatores.
Dy Fjale për Monumentin skulpturor në Dakotën e jugut
Monumenti i gdhendur në shkëmbinjtë e malit Rashmor në Dakotën e jugut u ngrit për të përkujtuar historinë e Shteteve te Bashkuara të Amerikës të një periudhe 150 vjeçare.
Skulptori Gutzon Borglum së bashku me 400 punëtorë punuan që nga viti 1927 deri në 1941, për të gdhendur kompleksin gjigand të busteve të Presidentëve Xhorxh Washington, Tomas Xheferson, Abraham Linkoln dhe Teodor Ruzvelt.
Autori planifikoi që monumenti të kishte një nënshkrim në formën e një përshkrimi të vendosur në pllakatin e tij ku vetëm në 500 fjalë të përmblidhej historia e SHBA.
Mirëpo atij nuk ia mbushën mendjen asnjë nga ato që iu ofruan, madje as shkrimi i presidentit Coolidge, kështu që puna vazhdoi e u mbyll pa patur një nënshkrim të tillë.
Vizitorët që vijnë këtu për të parë memorialin historik kanë rast gjithashtu të ndalen edhe në studion e skulptorit Gutzon Borglum të ndërtuar nën drejtimin e tij, në vitin 1939.
